15.01.2026 | 18:16
Վիզը ֆիքսատորի մեջ է, վիրահատվելու անհրաժեշտություն կունենա. Սինանյանը Էուլչեքջյանի հետ է հանդիպել․ ՏԵՍԱՆՅՈՒԹ
Խոշոր հրդեհ Բաքվի շինանյութերի շուկայում․ տուժածներ կան․ ԼՈՒՍԱՆԿԱՐՆԵՐ
Քաղաքականություն
23.11.2023 | 15:55
Բաքվի Բինագադի շրջանի Զիյա Բունիաթով պողոտայում գտնվող շինանյութերի շուկայում վաղ առավոտյան հրդեհ է բռնկվել։ Այն դեռևս ամբողջությամբ չի հաջողվում մարել։
Ադրբեջանի արտակարգ իրավիճակների նախարարությունը հայտնում է, որ դեպքի վայր ներգրավված է ավելի քան 20 միավոր հատուկ տեխնիկա և ԱԻՆ պետական հրշեջ ծառայության ավելի քան 85 աշխատակից։ Հրդեհի հետևանքով կա զոհ։
«Այսօր ժամը 05:55-ին Շտապօգնության և շտապ բժշկական օգնության հանրապետական կենտրոնում ահազանգ է ստացվել, որ Բաքվի Բինագադի շրջանի Զիյա Բունիաթով պողոտայի Դարնագյուլ շինանյութի շուկայի տարածքում հրդեհ է բռնկվել։ Դեպքի վայր է մեկնել շտապօգնության երկու խումբ։ Հրդեհի հետևանքով արձանագրվել է մարդու (տղամարդու) մահ»,- ասվում է Բժշկական տարածքային միավորների կառավարման ասոցիացիայի տարածած հայտարարության մեջ։
Եվս մեկ մարդու տեղում օգնություն է ցուցաբերվել։
Նշվում է, որ հրդեհը տեղայնացվել է, սակայն ամբողջական մարման գործողությունները շարունակվում են։ Խոշոր հրդեհի առթիվ հարուցվել է քրեական գործ։
Էմմա Չոբանյան
