10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
ԿԽՄԿ Բաքվի ներկայացուցիչը հայտնել է, որ պարբերաբար այցելում են հայ գերիներին
Քաղաքականություն
22.11.2023 | 14:16
Կարմիր Խաչի միջազգային կոմիտեի (ԿԽՄԿ) աշխատակիցները պարբերաբար այցելում են Ադրբեջանում պահվող հայ գերիներին, ինչպես նաև Հայաստանում կալանավորված ադրբեջանցիներին։ Վերջին անգամ այս անձանց այցելել են հոկտեմբերի վերջին նոյեմբերի սկզբին։ Այս մասին ադրբեջանական լրատվամիջոցներին հայտնել է Ադրբեջանում ԿԽՄԿ ներկայացուցչության ղեկավար Դրագանա Կոիչը։
Նա նշել է, որ այդ այցելությունների ընթացքում Կարմիր Խաչի միջազգային կոմիտեի աշխատակիցները հետաքրքրվել են կալանավորների պահման և նրանց նկատմամբ վերաբերմունքի պայմաններով։
«ԿԽՄԿ-ն նաև ստուգում է՝ արդյո՞ք այդ մարդիկ պայմաններ ունեն իրենց ընտանիքների հետ շփման համար, և ստեղծում է այդ պայմանները։ Երբ մենք, որպես Կարմիր Խաչի միջազգային կոմիտե, այցելում ենք այդ անձանց, այդ գործունեության արդյունքում բոլոր տեղեկությունները, հարցերը փոխանցվում և քննարկվում են միայն երկկողմանի գաղտնի ձևով՝ համապատասխան կառույցների հետ։ Կարմիր Խաչի միջազգային կոմիտեն այդ հարցերը պարբերաբար քննարկում է երկու կողմերի հետ՝ և՛ ադրբեջանական, և՛ հայկական»,- նշել է Կոիչը։
Էմմա Չոբանյան
