15.01.2026 | 18:16
Վիզը ֆիքսատորի մեջ է, վիրահատվելու անհրաժեշտություն կունենա. Սինանյանը Էուլչեքջյանի հետ է հանդիպել․ ՏԵՍԱՆՅՈՒԹ
Վարչապետը շնորհավորական ուղերձ է հղել Լիբանանի վարչապետի պաշտոնակատարին
Քաղաքականություն
22.11.2023 | 11:41
Վարչապետ Նիկոլ Փաշինյանը շնորհավորական ուղերձ է հղել Լիբանանի Հանրապետության վարչապետի պաշտոնակատար Նաջիբ Միկաթիին ազգային տոնի՝ Անկախության օրվա 80-րդ տարեդարձի առիթով: Ուղերձում ասված է.
«Ձեզ եմ հղում ջերմ շնորհավորանքներս և անկեղծ բարեմաղթանքներս Լիբանանի Հանրապետության ազգային տոնի՝ Անկախության օրվա 80-րդ տարեդարձի կապակցությամբ:
Հայ-լիբանանյան հարաբերություններն ունեն բարեկամության և համագործակցության` ժամանակի փորձություններով անցած հարուստ պատմություն, որոնք բնորոշվում են քաղաքակրթական ընդհանրություններով, մշակութային կապերով, ինչպես նաև փոխադարձ աջակցության ավանդույթներով:
Մեր տարածաշրջանները ներկայումս անցնում են մարտահրավերների և դժվարությունների լրջագույն շրջան, և ես լիահույս եմ, որ պետությունների խաղաղ գոյակցությունն ու ներդաշնակ փոխգործակցությունը կշարունակեն հանդիսանալ միջազգային հարաբերությունների հիմնասյունը:
Վստահ եմ, որ համատեղ ջանքերով կկարողանանք էլ ավելի խորացնել հարաբերությունների առկա բարձր մակարդակն ու ընդլայնել փոխգործակցությունը երկկողմ և բազմակողմ հարթակներում, այդ թվում՝ տարածաշրջանային հարցերում։
Օգտվելով առիթից՝ մաղթում եմ Ձեզ քաջառողջություն և երջանկություն, իսկ Լիբանանի բարեկամ ժողովրդին՝ հարատև խաղաղություն և բարօրություն»:
