08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Բաքուն հայտնում է գերեվարված Գագիկ Ոսկանյանի շինծու գործով ապօրինի դատական գործընթաց սկսելու մասին
Քաղաքականություն
20.11.2023 | 18:21
Ադրբեջանը հայտնում է, որ գերեվարված Գագիկ Ոսկանյանի դեմ հարուցված շինծու քրեական գործով նախաքննությունն ավարտվել է։ Ըստ ադրբեջանական լրատվամիջոցների՝ քրեական գործի վերաբերյալ նյութերն ուղարկվել են Գանձակի ծանր հանցագործությունների դատարան։
Գործը քննվելու է դատավոր Աբդուլլա Մամեդովի նախագահությամբ։ Դատական գործընթացը սկսվելու է նոյեմբերի 30-ին։
Հիշեցնենք, որ օգոստոսի 16-ին պահեստազորի զինվոր, ուսումնամարզական հավաքի մասնակից Գ.Վ.-ն լքել էր մարտական դիրքը։ Ավելի ուշ ադրբեջանական կողմը հայտնել էր, որ իրենք գերեվարել են Գագիկ Ոսկանյանին։
Օգոստոսի 18-ին ադրբեջանական դատարանն ապօրինի ձերբակալել է Ոսկանյանին։ Բաքուն նրան, ինչպես մնացյալ հայ գերիներին, անհիմն մեղադրանքներ է առաջադրել։
Էմմա Չոբանյան
