07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Թուրքիայում բեռնատար նավը անձնակազմի 12 անդամով խորտակվել է փոթորկի պատճառով
Քաղաքականություն
20.11.2023 | 14:41
Թուրքական «Kafkametler» բեռնատար նավը, որում եղել է անձնակազմի 12 անդամ, հյուսիսային Թուրքիայի Զոնգուլդաք նահանգի ափերի մոտ գտնվող Էրեղլի նավահանգստում խորտակվել է փոթորկի հետևանքով, գրում են թուրքական լրատվամիջոցները։
Թուրքիայի ՆԳ նախարար Ալի Յերլիքայան Էրեղլի նահանգում հրավիրված ասուլիսում ասել է, որ նոյեմբերի 19-ին Օդերևութաբանության գլխավոր վարչությունը նարնջագույն նախազգուշացում է տվել 29 քաղաքների համար, սակայն մեկ օրվա ընթացքում այդ թիվը հասել է 41-ի։
«Եղանակային և ծովային անբարենպաստ պայմանների պատճառով թուրքական դրոշով բեռնատար «Kafkametler» նավը, որը լքել է նավահանգիստը Իզմիր մեկնելու համար, շեղվել է ուղուց և խորտակվել՝ բախվելով բեկորին։ Նավի անձնակազմի 12 անդամների հետ դեռևս կապ չի հաստատվել։ Առափնյա պահպանության ծառայության հրամանատարությունը, ռազմածովային ուժերը, AFAD-ը, առափնյա ոստիկանությունը, ժանդարմերիան, հրշեջ բրիգադը պատրաստ են։ Եղանակային պայմանների բարելավումից հետո որոնողափրկարարական աշխատանքները կսկսվեն»,- ասել է նախարարը։
Ավելի ուշ հաղորդվել է, որ փոթորիկը հանդարտվելուց հետո Էրեղլի լողափում հայտնաբերվել է անհետ կորած 12 անդամից մեկի դին։
Երլիքան նաև հայտնել է, որ 2 մարդ՝ 1-ը՝ Դիարբեքիրում, 1-ը՝ Բաթմանում, զոհվել են Թուրքիայի ամբողջ տարածքում առատ տեղումների պատճառով։
Էմմա Չոբանյան
