15.01.2026 | 21:54
Մինեապոլիսում ներգաղթի աշխատակիցը կրակել է վենեսուելացի ներգաղթյալի ոտքին
Գերեվարված արցախցի Ռաշիդ Բեգլարյանին շինծու մեղադրանքներ են առաջադրել ու կալանավորել
Քաղաքականություն
20.11.2023 | 12:42
Բաքուն շարունակում է գերեվարված արցախցիների նկատմամբ շինծու մեղադրանքներ առաջադրել։ Դեռևս օգոստոսի 1-ին Արցախում մոլորված ու ադրբեջանցիների կողմից ձերբակալված Ռաշիդ Բեգլարյանին Բաքուն ևս ամիսներ անց որոշել է մեղադրանք ներկայացնել, իբր, «Խոջալուի ցեղասպանության» իրականացման մեջ։
Ադրբեջանի Պետական անվտանգության ծառայությունը պնդում է, թե «քննչական գործողությունների ընթացքում Ռաշիդ Բեգլարյանը մանրամասն տեղեկություններ է հաղորդել կատարված հանցագործությունների մասին՝ հստակ նշելով այն վայրերը, որտեղ հանցավոր գործողություններ են կատարվել խաղաղ բնակչության նկատմամբ»։ Ըստ հաղորդագրության նա մեղադրվում է իբր՝ Ստեփանակերտի թիվ 3 մանկական հիվանդանոցում պահվող«գերեվարված ադրբեջանցիների նկատմամբ խոշտանգում կատարելու, ինչպես նաև խաղաղության և մարդկության դեմ հանցագործությունների, պատերազմական հանցագործությունների, անօրինական զինված կազմավորումների գործունեությանը մասնակցելու համար»:
Հիշեցնենք, որ Արցախի Հանրապետության քաղաքացի Ռաշիդ Բեգլարյանն օգոստոսի 1-ին Շուշիի շրջանի Հին Շեն գյուղից դուրս էր եկել և մոլորվելու հետևանքով հայտնվել Ադրբեջանի վերահսկողության տակ գտնվող տարածքում։ Ադրբեջանցի սահմանապահները նրան ձերբակալել էին։
Էմմա Չոբանյան
