04.06.2026 | 17:00
Խուզարկություններ Գյումրիում․ ձերբակալվել է երկու անձ այդ թվում՝ լրագրող
Միջազգային խաղաղապահներով արցախցիները պետք է վերադառնան իրենց տուն․ դա մեր շանսն է․Եղիշե Պետրոսյան. ՏԵՍԱՆՅՈՒԹ
Հաղորդաշարեր
18.11.2023 | 19:00
«Չի´ կարելի համակերպվել Արցախի կորստի հետ, երբեք չպե՛տք է համակերպվել ճնշված, կիսաստրուկ, գաղութացված, վախվորած վիճակի հետ։ Միջազգային խաղաղապահներով հանդերձ՝ արցախցիները պետք է վերադառնան իրենց տուն, և դա մեր շանսն է: Ես այդպես եմ կարծում»,- Factor TV-ի հետ զրույցում նշում է երգիչ, երգահան Եղիշե Պետրոսյանը։
Նրա խոսքով՝ Հայաստանը մշտապես իշխանության է բերել ժողովրդին, այսպես ասած, ոչ սազական իշխանություններ, ոչ իր շահերին ծառայող։ Երգահանը շեշտում է, որ մեր ժողովուրդն այսօր մեջքն ուղղելու կարիք ունի։
«Մեր մեջ այնքան ռուսական ու թուրքական ագենտ կա, որ մեր տունը քանդվեց: Մարդիկ կան՝ մինչև հիմա գովերգում են Ռուսաստանին, ասում են` տեսե՛ք հլը ինչ է անելու, ուզում եմ ասել՝ դրանից քեզ ի՞նչ: Հանրության կեսն ասում է՝ եթե Ռուսաստանից պոկվեցինք, վայը եկել, մեզ տարել է, մյուս կեսն ասում է՝ ուրեմն էս էր մեր բախտը»,- ասում է նա:
Եղիշե Պետրոսյանը նկատում է՝ մեր ժողովուրդն անընդհատ անարդարությունը մաշկի վրա զգալով` չարացել է, և դա ամեն տեղ երևում է․ «Մեր ժողովրդին սարքեցին խանութպանի հոգեբանությամբ մարդիկ, որոնք շահով են չափում հայրենիքը, սահմանն ու անվտանգությունը, այֆոնի համար կարող են հայրենիք ծախել»։
Մանրամասները՝ տեսանյութում։
Աննա Բաբաջանյան
