15.01.2026 | 18:16
Վիզը ֆիքսատորի մեջ է, վիրահատվելու անհրաժեշտություն կունենա. Սինանյանը Էուլչեքջյանի հետ է հանդիպել․ ՏԵՍԱՆՅՈՒԹ
ԵՊՀ-ն չեղարկել է Ուսանողների միջազգային օրվան նվիրված համերգը
17.11.2023 | 16:53
Այսօր՝ ժամը 15։00-ին, ԵՊՀ Շառլ Ազնավուրի անվան մշակույթի կենտրոնում Ուսանողների միջազգային օրվան նվիրված տոնական համերգը չեղարկվել է առաջին մասնաշենքում տեղի ունեցած հրդեհի պատճառով։ ԵՊՀ խոսնակ Քնար Միսակյանը Factor.am-ին փոխանցեց, որ, եթե համերգը կայանա հետո, կտեղեկացնեն։ Նշենք, որ հրդեհի հետևանքով կա 1 զոհ և 4 վիրավոր․ նրանցից երկուսը ոստիկաններ են, երկուսը՝ ԵՊՀ աշխատակիցներ։
Պարեկային ծառայողները տեղափոխվել են «Հերացի» թիվ մեկ համալսարանական հիվանդանոց, մյուսները «պոլիտրավմա, քիմիական այրվածք» ախտորոշմամբ՝ Այրվածքաբանության ազգային կենտրոն։ ԵՊԲՀ աշխատակազմի ղեկավար Շուշան Դանիելյանը ֆեյսբուքյան էջում գրել է, որ ԿԳՄՍ նախարար Ժաննա Անդրեասյանն այցելել է «Հերացի» համալսարանական հիվանդանոց։
«Ժաննա Անդրեասյանը զրուցել է տուժած քաղաքացու հետ, հետաքրքրվել նրա ինքնազգացողությամբ և մաղթել շուտափույթ ապաքինում։ Տեղեկացնենք նաև, որ տուժածի վիճակը մասնագետները գնահատում են բավարար»,- գրել է Դանիելյանը։
Արփի Հակոբյան
