07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Աշխարհաքաղաքական վերջին զարգացումները լրջագույն մարտահրավերներ են ստեղծել. Սամվել Մկրտչյանը՝ ԵՄ-ում
Քաղաքականություն
16.11.2023 | 18:02
Նոյեմբերի 15-ին ՀՀ արտաքին գործերի նախարարության Եվրոպայի վարչության պետ Սամվել Մկրտչյանը մասնակցել է Եվրոպական միության Արևելյան գործընկերության Ավագ պաշտոնյաների առցանց հանդիպմանը, որին մասնակցում էին նաև Եվրոպական հանձնաժողովի, Արտաքին գործողությունների եվրոպական ծառայության, ԵՄ անդամ և գործընկեր պետությունների ներկայացուցիչները․ տեղեկացնում են ՀՀ ԱԳՆ-ից։
Իր ելույթում Սամվել Մկրտչյանն անդրադարձ է կատարել աշխարհաքաղաքական վերջին զարգացումներին, որոնք լրջագույն մարտահրավերներ են ստեղծել Արևելյան գործընկերության տարածաշրջանում և ձևաչափի կենսունակության հարցում: Ընդգծվել է նոր իրողությունների պայմաններում ձևաչափի շրջանակներում համագործակցության բովանդակությունը հարստացնելու, ձեռքբերումները պահպանելու և մասնակից երկրների դիմադրողականությունն ամրապնդելու նպատակով հավելյալ ջանքեր գործադրելու անհրաժեշտությունը:
Հայկական կողմն անդրադարձ էկատարել ԱլԳ որոշ անդամների կողմից ձևաչափի ստեղծման ժամանակ հռչակված արժեքների և սկզբունքների ոտնահարմանը՝ ընդգծելով, որ առանց մարդու իրավունքների և ժողովրդավարական արժեքների հարգանքի Եվրոպայի անվտանգությունը չի կարող համապարփակ լինել։
Այս համատեքստում Սամվել Մկրտչյանն ընդգծել է Ադրբեջանի կողմից Լեռնային Ղարաբաղում էթնիկ զտում իրականացնելու և այնտեղի հայ բնակչությանը բռնի ուժով տեղահանելու փաստը:
