15.12.2024 | 19:20
Տանիքում շինարարական աշխատանքներ իրականացնելիս հանկարծամահ է եղել
Երևանում կասեցվել է մսամթերքի արտադրամասի արտադրական գործունեությունը
Հասարակություն
16.11.2023 | 12:50
Երևանում գտնվող «Գանջալյան եղբայրներ» ընկերությանը պատկանող մսամթերքի արտադրամասը մինչ այս պահը գործել է իրավական ակտերով սահմանված սանիտարահիգիենիկ նորմերի խախտումներով․ այս մասին հայտնում են Սննդամթերքի անվտանգության տեսչական մարմնից:
ՍԱՏՄ-ի ստուգայցի ընթացքում պարզ է դարձել, որ արտադրական շինության պատերի մակերևույթները պատրաստված չեն եղել անջրանցիկ, լվացվող նյութերից, հեշտությամբ չեն մաքրվել և անհրաժեշտության դեպքում հնարավոր չի եղել ախտահանել:
Արտադրական շինության առաստաղը մասնակի վնասված է եղել, չի կանխարգելվել կեղտի կուտակումը, բորբոսի առաջացումը, առաստաղից մասնիկների թափվելու հնարավորությունը, խոնավության խտացումը։
Մսամթերքի արտադրամասի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար:
