17.12.2025 | 14:55
Մենք հաշվի ենք առնում ադրբեջանական և հայկական կողմերի շահերը. Կոբախիձե
Թուրքիան մեկ տարով երկարացրել է Աղդամի մոնիթորինգային կենտրոնում իր զինվորականների մանդատը
Քաղաքականություն
16.11.2023 | 16:14
Թուրքիայի Ազգային մեծ ժողովը հավանություն է տվել «Ադրբեջանում թուրքական ռազմական առաքելության գտնվելու ժամկետը ևս մեկ տարով երկարաձգելու օրինագծին»։ Այս մասին գրում է Անադոլու գործակալությունը։
Թուրքիայի նախագահ Ռեջեփ Թայիփ Էրդողանի կողմից ստորագրված օրինագծում, որը խորհրդարան է ուղարկվել նոյեմբերի 13-ին, նշվում է, որ Ադրբեջանի, Հայաստանի և Ռուսաստանի ղեկավարների կողմից ստորագրված 2020 թվականի նոյեմբերի 9-ի եռակողմ հայտարարությամբ նախատեսված աշխատանքները շարունակվում են։
Նշվում է նաև, որ միացյալ մոնիթորինգային կենտրոնը, որը բաղկացած է Թուրքիայի և Ռուսաստանի Դաշնության զինված ուժերի զինծառայողներից, հաջողությամբ շարունակում է իր գործունեությունը։ Ըստ օրինագծի՝ «Թուրքիան այս կենտրոնի միջոցով օգնում է ապահովել տարածաշրջանի անվտանգությունը և ամրապնդել կողմերի միջև վստահությունը»։
