15.09.2026 | 19:41
«ԿԲ-ն ավելի ուժգին և ոչ բնականոն կարձագանքի, եթե ՌԴ-ն գազի գինը բարձրացնի». ԿԲ նախագահ
ՌԴ ԱԳՆ-ն՝ Նիկոլ Փաշինյանի՝ ՀԱՊԿ նիստին մասնակցելուց հրաժարվելու և Երևանին արևմտյան սպառազինության մատակարարման մասին
Քաղաքականություն
15.11.2023 | 20:11
Ռուսաստանը ՀՀ վարչապետ Նիկոլ Փաշինյանի՝ ՀԱՊԿ գագաթնաժողովին մասնակցելուց հրաժարվելը և Երևանին արևմտյան սպառազինություն մատակարարելը դիտարկում է որպես «մեկ շղթայի օղակներ»։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Գերատեսչության ներկայացուցիչն ընդգծել է, որ «երկու աթոռի վրա նստելու փորձը ոչ ոքի լավ բանի չի հասցրել»։
«Մենք դիտարկում ենք Հայաստանի ղեկավարության վերջին հայտարարություններն ու քայլերը, այդ թվում՝ վարչապետ Նիկոլ Փաշինյանի հրաժարումը Մինսկում կայանալիք ՀԱՊԿ Հավաքական անվտանգության խորհրդի նիստին մասնակցելուց, պարոն Գրիգորյանի բացահայտումները, Հայաստանի, այսպես կոչված, եվրաինտեգրման կամ ոչ դաշնակցային կարգավիճակի մասին, արևմտյան զենքի մատակարարումների ընդլայնումը հանրապետությանը, Երևանի հանկարծակի, այսպես կոչված, բարեկամությունը Կիևի ռեժիմի հետ որպես մեկ շղթայի օղակներ»,- հայտարարել է Զախարովան։
Նա ընդգծել է, թե նշված «շղթան» կարող է հանգեցնել «երկրի ստրկացմանը», իսկ «Երևանի նկատմամբ Արևմուտքի գործողությունները կապված են ուկրաինական ուղղությամբ քաղաքականության ձախողումների հետ»։
Հիշեցնենք, որ Նիկոլ Փաշինյանը հրաժարվել է Մինսկում կայանալիք ՀԱՊԿ Հավաքական անվտանգության խորհրդի նիստին մասնակցելուց։
