06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Գողացած մեքենայով վթարի էր ենթարկվել․ նախաձեռնվել է քրեական վարույթ
Հասարակություն
15.11.2023 | 14:05
Նոյեմբերի 14-ի ժամը 16.20-ին ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ գողացել են Արշակունյաց պողոտայում կայանված իր «ԳԱԶ 31029»-ը․ տեղեկացնում են ՆԳՆ ոստիկանությունից։
Ոստիկանության Շենգավիթի բաժնի ծառայողների և Արագածոտնի մարզի պարեկների համատեղ ձեռնարկած միջոցառումների արդյունքում պարզվել է, որ նշված մեքենան առևանգել է 56-ամյա մի տղամարդ, ինչից հետո Երևան-Գյումրի ճանապարհի 57-րդ կմ-ին վթարի է ենթարկվել և մարմնական վնասվածքներով տեղափոխվել «Թալին» բժշկական կենտրոն:
Երևանի 57-ամյա բնակիչը ձերբակալվել և տեղափոխվել է ոստիկանության Թալինի բաժին, ապա ներկայացվել է ոստիկանության Շենգավիթի բաժին:
Նախաձեռնվել է քրեական վարույթ:
