07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Սայաթ-Նովա պողոտայից գողացված «Լեքսուսը» հայտնաբերվել է Նուբարաշենում
Հասարակություն
13.11.2023 | 17:42
Նոյեմբերի 9-ի առավոտյան ՆԳՆ ոստիկանության օպերատիվ կառավարման կենտրոն էր զանգել Արմավիրի մարզի Քարակերտ գյուղի մի բնակիչ և հայտնել, որ նոյեմբերի 8-ի ժամը 19.00-ից նոյեմբերի 9-ի ժամը 04.30-ն ընկած ժամանակահատվածում գողացել են Երևանի Սայաթ-Նովա պողոտայի շենքերից մեկի բակում կայանված իր «Լեքսուսը»․ տեղեկացնում են ՆԳՆ ոստիկանությունից։
Ոստիկանության Կենտրոնական բաժնի ծառայողների ձեռնարկած միջոցառումների արդյունքում պարզվել է, որ նշված մեքենան Նուբարաշենի 11-րդ փողոցի շենքերից մեկի հարակից ավտոտնակում է և շահագործվում է նույն շենքի բնակիչներից մեկի կողմից: Հետագա միջոցառումների արդյունքում 38-ամյա տղամարդը ձերբակալվել և, գողացված մեքենայով հանդերձ, ներկայացվել է ոստիկանության Կենտրոնական բաժին:
Կազմված փաստաթղթերը ներկայացվել են նախաքննական մարմին:
