13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Պետական ֆինանսավորմամբ 18 գիտական կազմակերպություն ձեռք կբերի 41 սարքավորում
Հասարակություն
09.11.2023 | 14:06
ՀՀ ԿԳՄՍ նախարարի հրամանով հաստատվել է գիտական կենտրոնները ժամանակակից սարքավորումներով վերազինելու նպատակով գիտական սարքերի/սարքավորումների գնման մրցույթի շահառուների ցանկը․ տեղեկացնում են ՀՀ ԿԳՄՍՆ-ից։
Մրցույթի արդյունքում հայաստանյան 18 պետական գիտական կազմակերպություններ և բուհեր Բարձրագույն կրթության և գիտության կոմիտեի ֆինանսավորմամբ ձեռք կբերեն 41 սարք/սարքավորում՝ ընդհանուր 2 միլիարդ 853 միլիոն դրամ արժողությամբ:
Հայտատու կազմակերպությունը հետագայում նաև պետք է Կոմիտե ներկայացնի միջանկյալ և ամփոփիչ հաշվետվություններ սարքի շահագործման, իրականացված աշխատանքների ծավալի, ստացված արդյունքների վերաբերյալ:
Գիտական սարքերի գնման գործընթացը կազմակերպվելու է Բարձրագույն կրթության և գիտության կոմիտեի կողմից 2024 թվականի պետական բյուջեի միջոցներով՝ «Գնումների մասին» ՀՀ օրենքով սահմանված կարգով: Այնուհետև գնված սարքերը տրամադրելու են հայտ ներկայացրած կազմակերպությանը, սակայն վերջինիս կողմից մշակվելիք ընթացակարգերով հասանելի են դառնալու հայտում ընդգրկված բոլոր շահագրգիռ կազմակերպություններին՝ համատեղ օգտագործման համար:
Սարքերի գնման համար ներկայացված հայտերը գնահատելիս հաշվի են առնվել ոչ միայն գիտական գործունեության համար սարքերի անհրաժեշտությունը, այլև շահագրգիր կազմակերպությունների հիմնավորումները և համատեղ օգտագործման մեխանիզմները, շահագործման ծախսերը և հնարավոր եկամուտները, կազմակերպությունում սարքի/սարքավորման հետ աշխատանքի փորձ ունեցող մասնագետների առկայությունը և այլն:
