Քաղաքականություն
09.11.2023 | 12:34
ԱՄՆ Ներկայացուցիչների պալատի արտաքին հարաբերությունների հանձնաժողովը հայտնել է, որ Եվրոպայի հարցերով ենթահանձնաժողովը լսումներ է հրավիրում «Լեռնային Ղարաբաղի ապագան» խորագրով։
Լսումներն անցկացվելու են նոյեմբերի 15-ին։
Հաղորդվում է, որ նիստին մասնակցելու և ելույթով հանդես են գալու նաև ԱՄՆ պաշտոնյաներ, մասնավորապես, ԱՄՆ պետքարտուղարի Եվրոպայի ու Եվրասիայի հարցերով տեղակալ Ջեյմս Օ՛Բրայենը և ԱՄՆ Միջազգային զարգացման գործակալության Եվրոպայի և Եվրասիայի բյուրոյի ղեկավարի օգնականի տեղակալ Ալեքսանդր Սոկոլովսկին։
Էմմա Չոբանյան
