07.10.2026 | 12:56
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Դեսպան Միսակ Բալասանյանն իր հավատարմագրերն է հանձնել Իրաքի նախագահին
Քաղաքականություն
03.11.2023 | 19:44
Նոյեմբերի 2-ին Իրաքում ՀՀ նորանշանակ դեսպան Միսակ Բալասանյանն իր հավատարմագրերն է հանձնել Իրաքի Հանրապետության նախագահ Աբդուլ Լատիֆ Ռաշիդին: Այս մասին տեղեկացրին ՀՀ ԱԳՆ-ից։
«Շնորհավորելով ՀՀ դեսպանին բարձր պաշտոնը ստանձնելու կապակցությամբ՝ նախագահ Աբդուլ Լատիֆ Ռաշիդը հաջողություն է մաղթել նրան իր կարևոր առաքելության մեջ:
Նախագահին ուղղված իր շնորհակալական խոսքում դեսպան Միսակ Բալասանյանը նշել է, որ կգործադրի հնարավոր ջանքերը՝ հայ-իրաքյան բարեկամական հարաբերություններն էլ ավելի ամրապնդելու և հարստացնելու ուղղությամբ:
Հանդիպմանը անդրադարձ է կատարվել երկկողմ օրակարգի կարևոր հարցերին, ինչպես նաև առաջիկայում ակնկսլվող բարձրաստիճան փոխայցելություններին:
Նախորդ օրը՝ նոյեմբերի 1-ին, Միսակ Բալասանյանը հավատարմագրերի պատճեններն է հանձնել Իրաքի ԱԳ նախարար Ֆուադ Հուսեյնին»,- ասված է ԱԳՆ-ի տարածած հաղորդագրության մեջ:
