16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիայի տրանսպորտի նախարարն արձագանքել է «Խաղաղության խաչմերուկ» հայկական նախագծին
Քաղաքականություն
02.11.2023 | 21:08
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն Haber Global-ի հետ հարցազրույցում անդրադարձել է ՀՀ վարչապետ Նիկոլ Փաշինյանի ներկայացրած «Խաղաղության խաչմերուկ» նախագծին։
«Բաքու-Թբիլիսի-Կարս ակտիվ գիծը կարևոր երթուղի է։ Կա «Զանգեզուրի միջանցքը», որով մենք ուղիղ կապ կունենանք Ադրբեջանի հետ։ Կան այլ երթուղիներ և գծեր, հատկապես՝ հայկական և Նախիջևանի կողմից, բայց դրանք նույնպես բարելավման կարիք ունեն։ Մենք ավարտել ենք Իգդիրի և Կարսի համար մրցութային գործընթացը։ Մենք տեսանք, որ ՀՀ վարչապետը մոտեցում ունի իրենց երկրով անցնող այս միջանցքի հետ կապված։ Նկատի ունենալով քաղաքականությունը՝ ես ակնկալում էի, որ Հայաստանը կհասնի այս կետին»,- ասել է Ուրալօղլուն՝ անդրադառնալով հայկական նախագծին։
Նշենք, որ Haber Global-ը Թուրքիայում գործող ադրբեջանական հեռուստաալիք է։ Այն ընդգրկված է ադրբեջանական Global media group-ի կազմում։
Էմմա Չոբանյան
