15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Գողացել էին ճանապարհը երթևեկության նշաններով կահավորելու համար նախատեսված խողովակները
Հասարակություն
02.11.2023 | 17:48
Հոկտեմբերի 30-ին, ժամը 23.00-ի սահմաններում, Արագածոտնի մարզի պարեկները Արուճ գյուղի դաշտամիջյան հատվածում ստուգման նպատակով կանգնեցրել են «Մերսեդես» մակնիշի մի մեքենա, որի սրահում երկաթե 20 խողովակներ կային․ տեղեկացնում են ՆԳՆ ոստիկանությունից։
33-ամյա վարորդը և 24-ամյա ուղևորը հայտնել են, որ խողովակնեը գողացել են Արուճ գյուղի ամառանոցներից: Նրանք ձերբակալվել և տեղափոխվել են ոստիկանության Աշտարակի բաժին, որտեղ վարորդը խոստովանել է, որ կեսօրին Արուճ գյուղի դաշտամիջյան հատվածում նկատել է երկաթյա խողովակները և, նախապես վերցնելով համապատասխան գործիքներ, որոշել է երեկոյան մորեղբոր որդու հետ տեղափոխել տուն:
Տուժողին հայտնաբերելու ուղղությամբ ձեռնարկած միջոցառումների շնորհիվ ոստիկանության Աշտարակի բաժնի քրեական հետախույզները պարզել են, որ խողովակները պատկանել են ՍՊ ընկերություններից մեկին և նախատեսված էին ճանապարհը երթևեկության նշաններով կահավորելու համար:
ՍՊԸ տնօրենից ընդունվել է հաղորդում:
Նախաքննությունը շարունակվում է:
