16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Ադրբեջանը 2024թ. բյուջեով 3,7 մլրդ դոլար կհատկացնի պաշտպանության և անվտանգության ծախսերին
Քաղաքականություն
02.11.2023 | 15:12
Ադրբեջանի պետական բյուջեի ծախսերը պաշտպանության և ազգային անվտանգության ոլորտում 2024 թվականին կկազմեն 6 միլիարդ 421 միլիոն մանաթ (3,777 միլիարդ դոլար)։ Ադրբեջանական լրատվամիջոցների փոխանցմամբ՝ այս մասին հայտնել է ֆինանսների նախարար Սամիր Շարիֆովը։
«Ադրբեջանի հաջորդ տարվա պետբյուջեում պաշտպանության և ազգային անվտանգության ծախսերը նախատեսված են 6 միլիարդ 421 միլիոն մանաթի չափով։ Սա 6 տոկոսով կամ 366 մլն մանաթով ավելին է, քան 2023 թվականի հատկացումը»,- ասել է Շարիֆովը խորհրդարանի տնտեսական քաղաքականության, արդյունաբերության և ձեռներեցության խորհրդարանական հանձնաժողովի նիստում 2024 թվականի պետական բյուջեի նախագծի քննարկման ժամանակ։
Նա նաև նշել է, որ միջոցներն ուղղվելու են բանակին, սահմանների հզորացմանն ու այլ գործունեության։
Հիշեցնենք, որ Ադրբեջանի իշխանությունները 2023 թվականի պետական բյուջեում պաշտպանության և ազգային անվտանգության ոլորտի ֆինանսավորումն ավելացրել էին 4,6 տոկոսով՝ հասցնելով 5 մլրդ 320,1 մլն մանաթի (3 մլրդ 129,5 մլն դոլար)։ Պաշտպանության և ազգային անվտանգության ծախսերի կառուցվածքում 2023 թվականին պաշտպանության ոլորտի կարիքների համար նախատեսված էր 2 միլիարդ 403,4 միլիոն մանաթ, ազգային անվտանգության համար՝ 364,2 միլիոն մանաթ, սահմանային ծառայության կարիքների համար՝ 470,8 միլիոն մանաթ։
Այս տարվա մայիսին Ադրբեջանի կառավարությունը պետբյուջեից լրացուցիչ 1 միլիարդ մանաթ (588,2 միլիոն դոլար) էր հատկացնել պաշտպանության ոլորտում հատուկ նշանակության նախագծերի ֆինանսավորման համար։
Էմմա Չոբանյան
