13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ԵԽ ազգային փոքրամասնությունների կոմիտեի պատվիրակությունն այցելել է Ադրբեջան․ նաև Ղարաբաղի վերաբերյալ հարցեր են բարձրացվել
Քաղաքականություն
01.11.2023 | 20:44
Եվրոպայի խորհրդի ազգային փոքրամասնությունների պաշտպանության շրջանակային կոնվենցիայի խորհրդատվական կոմիտեի պատվիրակությունը հոկտեմբերի 23-27-ը եղել է Ադրբեջանում: Այն գնահատելու է ազգային փոքրամասնությունների պաշտպանության ոլորտում արձանագրված առաջընթացը, ասվում է կոմիտեի տարածած հաղորդագրությունում։
Հաղորդվում է, որ սա կոմիտեի ներկայացուցիչիների հինգերորդ այցն է Ադրբեջան։ Նրանք Բաքվում, Լենքորանում, Գուբայում և Խինալիգում հանդիպումներ են ունեցել իշխանությունների, քաղաքացիական հասարակության և ազգային փոքրամասնությունների ներկայացուցիչների հետ՝ քննարկելով Շրջանակային կոնվենցիայի իրականացումը։
Կառավարության ներկայացուցիչների հետ հանդիպմանը պատվիրակությունը հարցեր է բարձրացրել նաև Ղարաբաղում տիրող իրավիճակի վերաբերյալ։
Այցը տեղի է ունեցել խորհրդատվական կոմիտեի կողմից Ադրբեջանում Շրջանակային կոնվենցիայի իրականացման վերաբերյալ հինգերորդ եզրակացության նախապատրաստման համատեքստում։ Ակնկալվում է, որ այն ընդունվելու է 2024 թվականին։
Ադրբեջանի վերաբերյալ ԵԽ խորհրդատվական կոմիտեի նախորդ եզրակացությունը հրապարակվել է 2019 թվականի փետրվարին։
Էմմա Չոբանյան
