12.10.2026 | 12:19
Հյուսիսային Կորեան բալիստիկ հրթիռներ է արձակել Ճապոնական ծովի ուղղությամբ
Քա՛յլ արեք, եկեք Հայաստան․ մեկնարկում է «Քայլ դեպի տուն» ծրագիրը․ ՏԵՍԱՆՅՈՒԹ
Հասարակություն
25.07.2018 | 14:21
ՀՀ սփյուռքի նախարարի տեղակալ Դավիթ Սարգսյանն այսօր լրագրողների հետ զրույցում, անդրադառնալով նախարարության կողմից իրականացվող «Քայլ դեպի տուն» ծրագրին, նշեց, որ այն «Արի տուն» և «Ամառային դպրոց» ծրագրերի միաձուլումն է, և, ինչպես նախկինում գործող երկու ծրագրերով էին սփյուռքից ՀՀ եկող երիտասարդները հնարավորություն ունենում հայոց լեզու սովորել, այնպես էլ «Քայլ դեպի տուն» ծրագրով նրանք հնարավորություն կունենան գալ ՀՀ և մասնակցել այդ դասընթացներին՝ արդեն ավելի շատ ժամաքանակով։
«Մեզ համար ամենակարևոր խնդիրն այն է, որ այն մրցույթները, որոնք անցկացվելու են այդ ծրագրերն իրականացնելու համար, լինեն թափանցիկ և հնարավորինս շատ լինեն այդ մրցույթներին մասնակցող ընկերությունները: Եվ, ասեմ, որ ի տարբերություն նախորդ տարիների, մրցույթին մասնակցեցին 4 ընկերություն և արդեն ունենք հաղթող կազմակերություն»,- ասաց փոխնախարարը:
Ասուլիսին մասնակից «Քայլ դեպի տուն ծրագրի» պատասխանատու Հայկ Ենգիբարյանն էլ նկատեց, որ ծրագրին մասնակցելու հայտ կարող են ներկայացնել սփյուռքից պատանիներ և արդեն կա ավելի քան 500 հայտ։
Խոսելով ծրագրի բովանդակության մասին՝ Ենգիբարյանը նշեց, որ այն բաղկացած է երկու բաղադրիչից՝ կրթական և ճանաչողական։
Մանրամասները՝ տեսանյութում:
