20.02.2026 | 20:51
Իրանը հայտարարել է, որ ԱՄՆ-ի հետ միջուկային համաձայնագրի նախագիծը պատրաստ կլինի «առաջիկա երկու-երեք օրերին»
Նիկոլ Փաշինյանը չի մասնակցի Բիշքեկում կայանալիք ԱՊՀ գագաթնաժողովին
Քաղաքականություն
10.10.2023 | 17:27
Հայաստանի վարչապետ Նիկոլ Փաշինյանը Ղրղզստանի նախագահ Սադիր Ժապարովին տեղեկացրել է, որ չի կարող մասնակցել հոկտեմբերի 13-ին Բիշքեկում կայանալիք ԱՊՀ երկրների ղեկավարների հանդիպմանը։ Այս մասին հայտնում է ՏԱՍՍ-ը՝ հղում անելով Ղրղզստանի ղեկավարի մամուլի ծառայությանը։
«Նախագահ Սադիր Ժապարովը հեռախոսազրույց է ունեցել Հայաստանի վարչապետ Նիկոլ Փաշինյանի հետ։ Հայաստանի վարչապետը ցավով հայտնել է, որ մի շարք հանգամանքների բերումով չի կարող մասնակցել ԱՊՀ պետությունների ղեկավարների խորհրդի նիստին»,- ասվում է մամուլի հաղորդագրությունում։
Գագաթնաժողովը նախատեսված է հոկտեմբերի 13-ին Բիշքեկում։
Հավելենք, որ ավելի վաղ էլ պարզ էր դարձել, որ ՀՀ ԱԳ նախարար Արարատ Միրզոյանն էլ չի մասնակցի ԱՊՀ երկրների ԱԳՆ-ների նախարարական նիստին։ Հայաստանը ներկայացված կլինի ԱԳ փոխնախարարի մակարդակով։
