12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Միրզոյան-Լավրով-Բայրամով հանդիպում չի լինի․ Բիշքեկում սպասվող նիստին ՀՀ-ն կներկայացնի փոխարտգործնախարարը
Քաղաքականություն
09.10.2023 | 18:10
ՀՀ ԱԳՆ֊ն դեռևս ս.թ. հոկտեմբերի 4-ին է գրավոր տեղեկացրել ԱՊՀ գործադիր կոմիտեին, որ հոկտեմբերի 12-ին ք. Բիշքեկում նախատեսվող ԱՊՀ ԱԳ նախարարների խորհրդի նիստին կմասնակցի ՀՀ ԱԳ նախարարի տեղակալը: Այս մասին Factor.am-ին հայտնեց ՀՀ ԱԳՆ մամուլի խոսնակ Անի Բաղդասարյանը։
Հիշեցնենք, ՌԴ ԱԳ փոխնախարար Միխայիլ Գալուզինը ՌԲԿ-ի հետ զրույցում հայտարարել էր, որ Մոսկվան դիտարկում է հոկտեմբերի 12-ին Բիշքեկում՝ ԱՊՀ գագաթնաժողովի շրջանակներում Ռուսաստանի, Հայաստանի և Ադրբեջանի ԱԳ նախարարների հանդիպման հնարավորությունը։
«Ռուսաստանի, Ադրբեջանի և Հայաստանի միջև երկխոսությունը հայ-ադրբեջանական հակամարտության կարգավորման հարցերի ամբողջ շրջանակի շուրջ երբեք չի ընդհատվել: Հուսով ենք, որ նման շփումները կշարունակվեն։ Դիտարկում ենք նման քննարկումների անցկացման հնարավորությունը հոկտեմների 12-ին Բիշքեկում ԱԳ նախարարների մակարդակով ԱՊՀ գագաթնաժողովի միջոցառումների շրջանակներում»,- ասել է Գալուզինը՝ նշելով, որ Բաքուն իր համաձայնությունը տվել է։
«Ադրբեջանական կողմն արդեն տվել է սկզբունքային համաձայնությունը, և մենք ակնկալում ենք, որ հայկական կողմը նույնպես ամենայն պատասխանատվությամբ կմոտենա այս հարցին և կհամաձայնի մասնակցել նման բանակցություններին»,- ասել էր ՌԴ ԱԳ նախարարը։
Ստացվում է՝ Բիշքեկում Միրզոյան-Լավրով-Բայրամով հանդիպում չի լինի, քանի որ Ղրղզստանի մայրաքաղաք է մեկնելու ՀՀ փոխարտգործնախարարը։
