16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
«Էրեխեքը յամայի մեջ էին, վախենում էինք տուն գնայինք»․ գաղթի ճամփան՝ Մարտակերտից Երևան․ ՏԵՍԱՆՅՈՒԹ
29.09.2023 | 18:50
Զարուհի Թադևոսյանն Արցախի Մարտակերտի շրջանի Վերին Հոռաթաղ գյուղից է։ Սեպտեմբերի 19-ին Ադրբեջանի հարձակման հետևանքով ընտանիքը ստիպված է եղել հեռանալ գյուղից, հետո արդեն Ստեփանակերտն են լքել։
Մի դուստրը գյուղի դպրոցի փոխտնօրենն է եղել, ֆիզիկայի ուսուցչուհի է, մյուսը՝ դուստրը՝ պատմության ուսուցչուհի։ Որդին ևս պատմություն է դասավանդել, իսկ ադրբեջանական հարձակման ժամանակ աշխարհազորի կազմում դիրքեր է բարձրացել ու գլխի բեկորային վիրավորում ստացել։ Որդու կինը՝ կենսաբանության ուսուցչուհի է։
Բազմանդամ ընտանիքը, մեծ փորձություններ հաղթահարելով, կարողացել է հասնել Հայաստան՝ թողնելով ամբողջ ունեցվածքը՝ գյուղի տունը, հողատարածքը, մեքենաները, անասուններին, դստեր տունը Ստեփանակերտում ու սեփական հողում խաղաղ կյանքի մասին հիշողություններ, որոնք դեռ թարմ են։
Մանրամասները՝ տեսանյութում։
Անժելա Պողոսյան
