21.10.2026 | 12:10
Ձերբակալվել է «Ուժեղ Հայաստանի» Ստեփանավանի համայնքապետի թեկնածուն // Թրամփի բանագնացը ՌԴ-ում է․ ԼՈՒՐԵՐ
Էդ կամերաները պահեստից բերե՞լն է բեռ․Դավիթ Հարությունյանն՝ Էդմոն Մարուքյանին․ ՏԵՍԱՆՅՈՒԹ
Քաղաքականություն
20.07.2018 | 13:24
Ընտրական օրենսգրքի բարեփոխումների վերաբերյալ քննարկումներն այսօր Ազգային ժողովում թեժացրին «Ելք» խմբակցության պատգամավոր Էդմոն Մարուքյանն ու ՀՀԿ-ական Դավիթ Հարությունյանը։
Պատգամավորը նշեց, որ արտահերթ ընտրությունների բեռը կրում է գործող իշխանությունը, ուստի նախ պետք է հարց ուղղել այդ ուժին՝ հնարավոր է այդ բեռը կրե՞լ, թե՝ ոչ՝ նախքան ինչ-որ բաներ պարտադրելն՝ անդրադառնալով ընտրատեղամասերը համապատասխան տեխնիկայով ապահովելու խնդրին։
Էդմոն Մարուքյանի դիտարկմանն ի պատասխան Դավիթ Հարությունյանն արձագանքեց․ «Էդ կամերաները պահեստից բերե՞լն է բեռ։ Կամերաները բաշխված են տարբեր պետական մարմինների միջև»։
Ի պատասխամ Էդմոն Մարուքյանն արձագանքեց, որ Եվրամիության տված գումարներով ձեռք բերված տեսախցիկները ՀՀԿ-ի Կառավարությունն իրավունք չուներ բաշխել տարբեր պետական մարմինների միջև, որոնք չունեն ընտական գործընթաց կազմակերպելու գործառույթ և, հետևաբար, խախտվել է դրամաշնորհի տրամադրման համար սահմանված չափանիշը։
Դավիթ Հարությունյանն էլ առաջարկեց գրավոր հարցում ուղղել Եվրամիությանը և պատասխանը հաջորդ հանդիպմանը հրապարակել։
Մանրամասները՝ տեսանյութում։
