15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Լեհաստանը 10 հազար զինվորականի է կենտրոնացրել Բելառուսի հետ սահմանին
Քաղաքականություն
12.09.2023 | 18:22
Բելառուսի հետ Լեհաստանի սահմանին ավելի քան 10 հազար զինվորական է կենտրոնացված։ Լեհական ռադիոյին տված հարցազրույցում այս մասին ասել է Լեհաստանի ՆԳ փոխնախարար Մաչեյ Վոնշիկը։ Միաժամանակ, նա նշել է, որ լեհ-բելառուսական սահմանը «միանշանակ ավելի հանգիստ է դարձել», փոխանցում է Կոմերսանտը։
«Մենք մեծապես ամրացրել ենք սահմանը։ Բացի մեր կառուցած պարսպից, որը մեծ նշանակություն ունի, բացի պարագծից, որը մեզ չափազանց շատ է օգնում, այնտեղ կա 10 հազար զինվոր, որոնցից 6 հազարը ճամբարում են, իսկ 4 հազարը՝ ուղիղ սահմանին։ Բացի այդ, կան 5 հազար սահմանապահներ և գրեթե հազար ոստիկաններ»,- ասել է Վոնշիկը:
Լեհաստանի ՆԳՆ ղեկավարի տեղակալը նաև նշել է, որ «սահմանին ճնշումն իսկապես նվազել է»։ Սակայն դա, ըստ պաշտոնյանի, չի նշանակում, որ «ինչ-որ բան չի կարող լինել»։
«Ժամանակ առ ժամանակ մեր պարեկներին քարերով ու փայտերով են հարվածում»,- ասել է նա։
2021 թվականի ամռանը Լեհաստանի և Բելառուսի սահմանին մի քանի հազար միգրանտ էր կուտակվել, որոնք ցանկանում էին մտնել Եվրամիություն։ Վարշավան Մինսկին մեղադրել է միգրացիոն ճգնաժամ ստեղծելու մեջ։ Բելառուսի իշխանությունները հերքում են մեղադրանքները։
