Քաղաքականություն
12.09.2023 | 19:44
Շվեդիայի կառավարությունը հայտարարել է, որ ցանկանում է 28%-ով ավելացնել իր պաշտպանական բյուջեն, ինչը կօգնի հասնել ռազմական ծախսերի ՀՆԱ-ի 2%-ի նպատակին։ Սա սահմանված է ՆԱՏՕ-ի կողմից, որին ձգտում է միանալ սկանդինավյան երկիրը, գրում է VOA-ն:
«Մենք Երկրորդ համաշխարհային պատերազմից հետո հայտնվել ենք անվտանգության առամով ամենալուրջ իրավիճակում, ինչը Շվեդիայից պահանջում է պաշտպանության առկայություն, որը պատրաստ կլինի ապահովել Շվեդիայի տարածքի անվտանգությունը»,- հայտարարել է երկրի պաշտպանության նախարար Պոլ Յունսոն։
2024 թվականի պաշտպանության օրինագիծը ներկայացնելիս Շվեդիայի աջ կենտրոնամետ կոալիցիոն կառավարությունը նշել է, որ ռազմական ծախսերը, ընդհանուր առմամբ, կավելանան 2,4 միլիարդ դոլարով: Այս գումարից մոտավորապես 63 մլն դոլարը կծախսվի ՆԱՏՕ-ին Շվեդիայի ապագա անդամակցության համար։
