17.12.2025 | 15:32
Սիրելի երեխաներ, ձեզ 2 պատգամավորի հետ կծանոթացնեմ․ Սիմոնյանը՝ Տ․ Մարգարյանի օգնականի մասին․ ՏԵՍԱՆՅՈՒԹ
Կիմ Չեն Ընին սպասում են Հեռավոր Արևելքում․ Պուտինը մեկնել է Վլադիվոստոկ
Քաղաքականություն
11.09.2023 | 18:56
Հյուսիսային Կորեայի առաջնորդ Կիմ Չեն Ընին մոտ օրերս սպասում են Հեռավոր Արևելքում։ Այս մասին հայտնում է Ինտերֆաքսը՝ վկայակոչելով «մի քանի աղբյուրների»։
Ավելի վաղ արևմտյան մամուլը գրել էր, որ ԿԺԴՀ-ի առաջնորդն Արևելյան տնտեսական ֆորումի շրջանակում կարող է հանդիպել ՌԴ նախագահ Վլադիմիր Պուտինի հետ և քննարկել Ուկրաինայում պատերազմի համար զենքի մատակարարման հարցը։
«Հեռավոր Արևելքի դաշնային շրջանի բաղկացուցիչ միավորներից մեկի» կառավարությունում «Ինտերֆաքս»-ի զրուցակիցն ասել է, որ Հյուսիսային Կորեայի առաջնորդը «մոտ ապագայում կարող է այցելել տարածաշրջան»։ Այլ մանրամասներ չեն հաղորդվում։
Մեկ այլ տարածաշրջանային կառավարությունում գործակալության աղբյուրը հաստատել է, որ նման նախապատրաստական աշխատանքներ են ընթանում։
«Մենք վաղուց էինք պատրաստվում Կիմ Չեն Ընի այցին»,- ասել է նա։
Պուտինն իր այցը Վլադիվոստոկ սկսում է երկուշաբթի՝ սեպտեմբերի 11-ին։ Երեքշաբթի նա կմասնակցի ֆորումին:
Ավելի վաղ New York Times-ը հայտնել էր, որ Կիմ Չեն Ընը կգա Վլադիվոստոկ՝ Պուտինի հետ բանակցություններ վարելու՝ քննարկելու ԿԺԴՀ-ից հրետանային արկերի և հակատանկային հրթիռների մատակարարումը։ Կրեմլի խոսնակ Դմիտրի Պեսկովը չի մեկնաբանել այս հայտարարությունը։ Սպիտակ տունն ու ԱՄՆ Պետքարտուղարությունը Հյուսիսային Կորեային կոչ են արել չօգնել Ռուսաստանին զինամթերքով։
