06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
3-րդ խմբի հաշմանդամություն ունեցող անձինք ևս դեղերը կստանան ամբողջությամբ անվճար․ նախագիծ․ ՏԵՍԱՆՅՈՒԹ
11.09.2023 | 10:53
Մեկնարկել է ԱԺ 8-րդ գումարման 6-րդ նստաշրջանը։ Քննարկվում է «Հաշմանդամություն ունեցող անձանց իրավունքների մասին» օրենքում փոփոխություններ և լրացումներ կատարելու մասին և «Անձի ֆունկցիոնալության գնահատման մասին» օրենքում փոփոխություններ և լրացումներ կատարելու մասին օրենքների նախագծերի փաթեթը։ Այն ներկայացրեց Աշխատանքի և սոցիալական հարցերի նախարարի տեղակալ Տաթևիկ Ստեփանյանը։
ԱԺ Առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանը հայտնեց, որ դեղապահովման ծրագրում ևս փոփոխություն է լինելու։
«Գործող օրենքով առաջին և երկրորդ խմբի հաշմանդամություն ունեցող անձինք ստանում են դեղերի 100 տոկոս փոխհատուցում, այսինքն՝ դեղերն ամբողջությամբ ստանում են պետության կողմից։ Իսկ երրորդ խմբի հաշմանդամություն ունեցող անձինք 50 տոկոս փոխհատուցմամբ են ստանում դեղորայքը, այսինքն՝ մյուս 50 տոկոսը վճարում է երրորդ խմբի հաշմանդամություն ունեցող անձը։ Փոփոխությամբ նախատեսվում է, որ թեթև ֆունկցիոնալության խանգարում ունեցող անձինք, այսինքն՝ երրորդ կարգի հաշմանդամություն ունեցողները ևս 100 տոկոսով կստանան դեղերի փոխհատուցում։ Վստահ եմ՝ տեղյակ եք, որ երրորդ խմբի հաշմանդամների թիվը ընդհանուր հաշմանդամություն ունեցող անձանց թվի մեջ մոտ 60 տոկոս է կազմում, սա բավական մեծ թիվ է։ Եվ առողջապահական համակարգի համար սա չափազանց կարևոր փոփոխություն է»,- նշեց Զեյնալյանը։
Մանրամասները՝ տեսանյութում։
