30.05.2026 | 18:00
Կարո՞ղ է ծրագիրը տեսնել քո քվեն. ի՞նչ կա «Զանավեսի» հետևում. ԱՉՔԻ ՏԱԿ. ՏԵՍԱՆՅՈՒԹ
Գերմանիայի ԱԳ նախարարը Բայրամովի հետ քննարկել է Արցախում ստեղծված իրավիճակը
Քաղաքականություն
08.09.2023 | 14:25
Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել Գերմանիայի Դաշնային Հանրապետության արտաքին գործերի նախարար Անալենա Բերբոքի հետ։
Ադրբեջանի ԱԳՆ-ի փոխանցմամբ՝ հեռախոսազրույցի ընթացքում կողմերը քննարկել են տարածաշրջանում առկա իրավիճակը, ինչպես նաև Ադրբեջանի և Հայաստանի միջև հարաբերությունների կարգավորման գործընթացը։
Նշվում է, որ Բայրամովը Բերբոքին տեղեկացրել է տարածաշրջանում առկա իրավիճակի մասին՝ հատարարելով, թե Արցախում հումանիտար իրավիճակի և շրջափակման մասին Հայաստանի պնդումները, իբր, «անհիմն են և Հայաստանի կողմից քաղաքական մանիպուլյացիների մաս են կազմում»։
Բացի այդ, Բայրամովը բողոքել է, իբր, Հայաստանի ռազմական սադրանքներից։
Հիշեցնենք, որ օրերս Բերբոքը հեռախոսազրույց էր ունեցել ՀՀ ԱԳ նախարար Արարատ Միրզոյանի հետ։
Ավելի վաղ էլ Գերմանիայի ԱԳ նախարարը մտահոգություն էր հայտնել Արցախում հումանիտար վատթար իրավիճակի առնչությամբ։
«Այնտեղ մարդկանց վիճակն աղետալի է։ Մենք շտապ կոչով դիմում ենք Ադրբեջանին և Ռուսաստանին. Լեռնային Ղարաբաղի ժողովուրդը վերջապես պետք է ստանա այն, ինչ անհրաժեշտ է կյանքի համար: Լաչինի միջանցքը պետք է բաց լինի մարդասիրական օգնության համար»,- հայտարարել էր Բերբոքը։
Էմմա Չոբանյան
