24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Օտարերկրյա պետությունների ղեկավարները չեն մասնակցի ՌԴ-ում անցկացվող Արևելյան տնտեսական ֆորումին
Քաղաքականություն
08.09.2023 | 14:48
Սեպտեմբերի 12-ին ՌԴ-ում նախանշված Արևելյան տնտեսական ֆորումին (ВЭФ) ամենաբարձր մակարդակով օտարերկրյա մասնակիցները կլինեն Լաոսից և Չինաստանից: Պրիմորիեի կառավարության ղեկավար Վերա Շչերբինան հայտնել է, որ Վլադիվոստոկ կժամանեն Լաոսի փոխնախագահ Պանի Յաթոտուն և Չինաստանի Ժողովրդական Հանրապետության Պետական խորհրդի փոխվարչապետ Չժան Գուոցինը, գրում է Կոմերսանտը:
«Մենք հյուրեր ենք սպասում Չինաստանի Ժողովրդական Հանրապետությունից, Լաոսից, Մյանմարից, Վիետնամից և Ֆիլիպիններից։ Կլինեն Բելառուսը, Ղազախստանը, Մոնղոլիան, Սինգապուրը»,- ասել է Շչերբինան։
Ֆորումի մասնակիցների թվում նշված են ներկայացուցիչներ Հյուսիսային Կորեայից։
Ըստ Պրիմորիեի իշխանությունների՝ Մյանմարի պատվիրակությունը կգլխավորի փոխվարչապետ, տրանսպորտի և կապի նախարար, գեներալ Մյա Թուն Ուն։ Հնդկաստանի, Բելառուսի, Ղազախստանի, Սինգապուրի և Ֆիլիպինների պատվիրակությունները կգլխավորեն այդ երկրների դեսպանները Ռուսաստանի Դաշնությունում։ Վիետնամի և ԿԺԴՀ-ի պատվիրակությունների ներկայացվածության մակարդակի մասին ոչինչ չի նշվում։
ՌԴ նախագահ Վլադիմիր Պուտինը սեպտեմբերի 12-ին կմասնակցի տնտեսական ֆորումի լիագումար նիստին, հայտնել է նրա մամուլի քարտուղար Դմիտրի Պեսկովը։ Կրեմլի խոսնակն ասել է, որ «հետաքրքիր քննարկում է ակնկալում»:
