30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
ՌԴ-ն և Թուրքիան պայմանավորվել են 1 մլն տոննա հացահատիկի մատակարարման շուրջ
Քաղաքականություն
07.09.2023 | 17:51
ՌԴ ԱԳՆ-ն հայտնել է, որ Թուրքիայի իշխանությունների հետ սկզբունքային համաձայնություն է ձեռք բերել որպես հացահատիկային գործարքին այլընտրանք 1 մլն տոննա հացահատիկի մատակարարման շուրջ։ Առաջիկայում սկսվելու է տեխնիկական դետալների մշակումը, գրում են ռուսական լրատվամիջոցները։
«Բոլոր սկզբունքային պայմանավորվածությունները ձեռք են բերվել։ Մենք ակնկալում ենք, որ առաջիկայում արդեն աշխատանքային շփումների մեջ կմտնենք բոլոր կողմերի հետ՝ մշակելու սխեմայի բոլոր տեխնիկական ասպեկտները նման մատակարարումների համար»,- լրագրողներին ասել է ՌԴ ԱԳ փոխնախաչաչ Ալեքսանդր Գրուշկոն։
Նրա խոսքով՝ այժմ Ռուսաստանն ու Թուրքիան կքննարկեն մատակարարման մանրամասները, ներառյալ՝ նյութատեխնիկական ապահովումը, երթուղիները, նպատակակետ երկրներն ու դրանց թիվը, ինչպես նաև ֆինանսական հարցեր։
Հավելենք, որ օգոստոսի 30-ին ՌԴ ԱԳՆ-ն հայտնել էր, որ Ռուսաստանի նախագահ Վլադիմիր Պուտինն առաջարկել է Թուրքիային 1 մլն տոննա հացահատիկ մատակարարել էժան գնով՝ Կատարի ֆինանսական աջակցությամբ։ Թուրքիայում մշակելուց հետո հացահատիկն ուղարկվելու է առավել կարիքավոր երկրներին։
Այս թեման քննարկվել էր նաև սեպտեմբերի 4-ին Սոչիում կայացած ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի բանակցություններում։
Էմմա Չոբանյան
