15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Արցախում Ալիևի կողմից էթնիկ զտումների կանխամտածված արշավի համար իրական հետևանքներ պետք է լինեն․ Ֆրենկ Փալոնե
Քաղաքականություն
07.09.2023 | 13:35
Արցախում Ալիևի կողմից էթնիկ զտումների կանխամտածված արշավի համար իրական հետևանքներ պետք է լինեն։ Նման հայտարարություն է ամերիկացի կոնգրեսական Ֆրենկ Փալոնեն՝ արձագանքելով պետքարտուղար Էնթոնի Բլինքենի և Ադրբեջանի նախագահ Իլհամ Ալիևի հեռախոսազրույցին։
«ԱՄՆ պետքարտուղար Բլինքենն իրավամբ կոչ է անում դադարեցնել Լաչինի միջանցքի շրջափակումը, սակայն այս խոսքերին պետք է արձագանքել բովանդակալից գործողություններով։ Հատկապես, երբ Արցախում հումանիտար ճգնաժամը շարունակում է սրվել։ Իրական հետևանքներ պետք է լինեն մարդկության դեմ Ալիևի հանցագործությունների և Արցախում էթնիկ զտումների կանխամտածված արշավի համար։ Կովկասում խաղաղությունը կշարունակի անհասանելի լինել, եթե Ալիևը պատասխանատվություն չկրի հայ ժողովրդի դեմ Ադրբեջանի ագրեսիայի համար»,- X-ում գրել է Փալոնեն։
