25.02.2026 | 20:10
10 հազարի ուժը․ սոցիալական քայլ, թե նախընտրական հաշվարկ. ՏԵՍԱՆՅՈՒԹ
Հայաստանի զորավարժություններն ԱՄՆ-ի հետ Մոսկվայում ընկալվում են մտահոգությամբ․ ՌԴ ԱԳ փոխնախարար
Քաղաքականություն
07.09.2023 | 12:15
Մոսկվան ելնում է նրանից, որ ՀԱՊԿ անդամները պետք է հավատարիմ մնան իրենց դաշնակիցների հետ վարժանքների պրակտիկային․ այս մասին լրագրողների հետ զրույցում ասել է ՌԴ ԱԳ փոխնախարար Սերգեյ Ռյաբկովը՝ պատասխանելով սեպտեմբերի 11-ից Հայաստանի տարածքում անցկացվելիք հայ-ամերիկյան համատեղ զորավարժությունների վերաբերյալ հարցին, փոխանցում է ՏԱՍՍ-ը։
«Հայաստանը ՀԱՊԿ-ի դաշնակից է, մենք ելնում ենք նրանից, որ դաշնակցության ոգով անհրաժեշտ է հավատարիմ մնալ այս միության անդամների հետ վարժանքների պրակտիկային»,-ասել է Ռյաբկովը՝ հավելելով․
«Իհարկե, մենք դրան ուշադրություն դարձրել ենք։ Եվ մեր հայ դաշնակիցների, Հայաստանում դաշնակիցների ամենալուրջ մտահոգությունն ենք հրավիրել նրա վրա, որ դա մեր կողմից ընկալվում է մտահոգության տարրով»։
Հիշեցնենք,որ ՀՀ ՊՆ-ն ավելի վաղ հաղորդել էր, որ Միջազգային խաղաղապահ առաքելություններում մասնակցության նախապատրաստման շրջանակում սեպտեմբերի 11-20-ը Հայաստանում՝ ՊՆ խաղաղապահ բրիգադի «Զառ» ուսումնական կենտրոնում և ՊՆ N ուսումնական կենտրոնում, անցկացվելու են «Արծիվ գործընկեր 2023» հայ-ամերիկյան համատեղ զորավարժությունները։
