04.06.2026 | 11:40
Էդուարդ Սպերցյանը փոխել է խաղային համարը Հայաստանի հավաքականում․ ԼՈՒՍԱՆԿԱՐ
Հունաստանում, Թուրքիայում և Բուլղարիայում հորդառատ անձրևներն առնվազն յոթ մարդու կյանք են խլել
Քաղաքականություն
06.09.2023 | 14:43
Հունաստանում, Թուրքիայում և Բուլղարիայում հորդառատ անձրևների հետևանքով առնվազն յոթ մարդ է զոհվել: Թուրքիայի հյուսիս-արևմուտքում երկու մարդ է մահացել ճամբարի հեղեղման հետևանքով։ Եվս երկու մարդ մահացել է Ստամբուլում, գրում է VOA-ն։
Հունաստանում մեկ մարդ զոհվել է, ևս հինգը՝ անհետ կորել։ Իշխանությունները երկրի երեք շրջաններում արգելել են երթևեկությունը:
Ուժեղ փոթորիկը հանգեցրել է ռեկորդային քանակությամբ տեղումների՝ հեղեղելով փողոցները և քշելով մեքենաները։ Հունաստանի քաղաքացիական պաշտպանության նախարարը հայտնել է, որ փոթորիկը կթուլանա չորեքշաբթի կեսօրին, և տուժած շրջանների բնակիչներին կոչ է արել չլքել իրենց տները:
Իր հերթին, Բուլղարիայի կառավարությունը հայտնել է, որ երկու մարդ է զոհվել երկրի սևծովյան ափին, ևս երեքը՝ անհետ կորել։
