10.01.2025 | 23:14
ՊԵԿ նախագահն ընդունել է Հնդկաստանի դեսպանին
Ստամբուլում ռեկորդային տեղումների հետևանքով ջրհեղեղները երկու մարդու կյանք են խլել․ ԼՈՒՍԱՆԿԱՐՆԵՐ
Քաղաքականություն
06.09.2023 | 11:26
Ստամբուլում նախօրեի երեկոյան աննախադեպ հորդառատ անձրևից հետո հեղեղները երկու մարդու կյանք են խլել, գրում են թուրքական լրատվամիջոցները։ Մահացածների ինքնությունը պարզվել է՝ 57-ամյա Յըլդըզ Յուրցևե և 32-ամյա Իրաման Քեբե: Ստամբուլի նահանգապետարանի հաղորդագրության համաձայն՝ ջրհեղեղի հետևանքով տուժած 12 հոգի տեղափոխվել է հիվանդանոց։
Հեղեղներից հիմնականում տուժել են Արնավուտքոյ և Բաշակշեհիր շրջանները։ Ընդամենը մի քանի ժամում քաղաքի փողոցները վերածվել են գետերի։ Ջուրը հեղեղել է տներ, հիվանդանոցներ, մետրոյի կայարաններ։ Նախնական տվյալներով ջրհեղեղից տուժել է 1754 տուն և բիզնես օբյեկտ։
