06.08.2026 | 13:23
ՌԴ-ից Ադրբեջանի տարածքով Հայաստան է ուղարկվել 14 վագոն ցորեն
Արտոնություն պաշտոնյաների ընտանիքների անդամների համար
06.09.2023 | 09:33
ՀՀ իշխանությունը պաշտոնյաների ընտանիքների անդամների համար նոր արտոնություն է սահմանում։
«Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքում առաջարկվում է փոփոխություն կատարել, ըստ որի՝ պաշտոնյայի ընտանիքի անդամները կարող են օգտվել «Զվարթնոց» օդանավակայանի պաշտոնական պատվիրակությունների համար նախատեսված սրահից։
Factor.am-ն այս մասին տեղեկանում է ՀՀ արտաքին գործերի նախարարության կողմից շրջանառության մեջ դրված նախագծից։
Նշենք, որ խոսքը հատուկ կամ նախագահական սրահի մասին չէ, որից օգտվում են ՀՀ վարչապետը, ՀՀ նախագահը, ՀՀ ԱԺ նախագահը և նրանց ուղեկցող ընտանիքի անդամները։
Բացի այս, նախագծում նշվում է, որ օրենքն ուժի մեջ մտնելուց հետո ՀՀ վարչապետը նոր լիազորություն է ստանալու։ Մասնավորապես՝ ՀՀ նախագահի փոխարեն վարչապետն է որոշելու օդանավակայանների պաշտոնական պատվիրակությունների սրահից օգտվող օտարերկրյա պատվիրակությունների, պաշտոնատար անձանց սպասարկման կարգը, ինչպես նաև այդ սրահից օգտվող օտարերկրյա պատվիրակությունների և պաշտոնատար անձանց ցանկը։
Նարեկ Կիրակոսյան
