08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Ռուսական աղբյուրները հայտնում են Մոսկվայի ուղղությամբ ԱԹՍ-ների գրոհի մասին, շուրջ 50 չվերթ է հետաձգվել
Քաղաքականություն
05.09.2023 | 11:13
Մոսկվայի քաղաքապետ Սերգեյ Սոբյանինը և ՌԴ պաշտպանության նախարարությունը հայտնել են, որ երեքշաբթի գիշերը դեպի Մոսկվա շարժվող երեք անօդաչու թռչող սարք են խոցել Մոսկվայի, Կալուգայի և Տվերի մարզերում։ Նա Telegram ալիքում գրել է, որ Իստրինսկի շրջանում բեկորների անկման ժամանակ վնասվել է « կենցաղային օբյեկտ», զոհեր չկան, փոխանցում է BBC-ի ռուսական ծառայությունը։
Տվերի մարզի նահանգապետ Իգոր Ռուդենյան հստակեցրել է, որ Կոնակովո շրջանում, որտեղ խոցվել է անօդաչու թռչող սարքը, զոհեր չկան։ Սոբյանինը հայտնել է, որ անօդաչու թռչող սարքը ոչնչացվել է Զավիդովոյում՝ սա Կոնակովոյի շրջանն է, որի մոտակայքում գտնվում է ՌԴ նախագահ Վլադիմիր Պուտինի նստավայրերից մեկը։
Մոսկվայի ուղղությամբ անօդաչու թռչող սարքերի հարձակման ժամանակ հինգ չվերթ ուղարկվել է այլընտրանքային օդանավակայաններ, հայտնել է Ռուսաստանի Օդային տրանսպորտի դաշնային գործակալությունը։ Մոսկվայի օդանավակայանները հետաձգել են շուրջ 50 չվերթ, ժամը 07:30-ից օդանավակայանները գործում են սովորական ռեժիմով։
