02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
ՌԴ-ն չի վերադառնա հացահատիկային գործարքին․ Պուտինն Էրդողանի հետ բանակցությունները կառուցողական է որակել
Քաղաքականություն
04.09.2023 | 19:18
Թուրքիայի նախագահ Ռեջեփ Թայիփ Էրդողանի հետ բանակցություններն անցել են կառուցողական և գործնական մթնոլորտում, քննարկվել են ռուս-թուրքական համագործակցության բոլոր առանցքային հարցերը։ Այս մամուլի ասուլիսում հայտարարել է ՌԴ նախագահ Վլադիմիր Պուտինը։
«Այսօրվա բանակցությունները, ինչպես միշտ, անցել են կառուցողական և գործնական մթնոլորտում, մենք մանրամասն քննարկել ենք ռուս-թուրքական համագործակցության բոլոր առանցքային հարցերը՝ անվտանգության, տնտեսության, քաղաքականության, մշակութային և հումանիտար ոլորտներում, մտքեր փոխանակել միջազգային և տարածաշրջանային օրակարգի արդիական թեմաների շուրջ»,- ասել է Պուտինը։
Խոսելով հացահատիկային գործարքի վերականգնման մասին՝ նա նշել է, որ ռուսական կողմը պատրաստ է վերակենդանացնել գործարքը մի քանի օրվա ընթացքում, սակայն իր պահանջների կատարմամբ՝ ռուսական գյուղմթերքի արտահանման սահմանափակումների վերացումով։
Պուտինը նաև հայտնել է, որ Ռուսաստանը կկազմակերպի մեկ միլիոն տոննա հացահատիկի մատակարարում Թուրքիա՝ վերամշակման համար, իսկ հետո անվճար տեղափոխում Աֆրիկայի ամենաաղքատ երկրներ։ Ըստ նրա՝ Կատարը ևս կարող է միանալ այդ նախաձեռնությանը։
Էմմա Չոբանյան
