15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ադրբեջանն ու Հունգարիան ռազմավարական երկխոսության առաջին նիստն են անցկացրել
Քաղաքականություն
04.09.2023 | 19:44
Բուդապեշտում տեղի է ունեցել Ադրբեջանի և Հունգարիայի միջև ռազմավարական երկխոսության առաջին հանդիպումը, հայտնում է Ադրբեջանի ԱԳՆ-ն։
Նիստը տեղի է ունեցել Ադրբեջանի արտգործնախարար Ջեյհուն Բայրամովի՝ Հունգարիա կատարած այցի շրջանակում։ Հաղորդվում է, որ Բաքվի և Բուդապեշտի միջև ռազմավարական երկխոսության առաջին հանդիպման արձանագրությունը ստորագրել են Ադրբեջանի և Հունգարիայի արտաքին գործերի նախարարներ Ջեյհուն Բայրամովը և Պետեր Սիյարտոն։
Ադրբեջանի ԱԳՆ-ն նշել է, որ այցի ընթացքում Բայրամովն ու Սիյարտոն բանակցություններ են անցկացրել դեմ առ դեմ և ընդլայնված կազմով։
«Ադրբեջանի և Հունգարիայի միջև երկկողմ ռազմավարական գործընկերության հանդիպմանը քննարկվել են փոխադարձ հետաքրքրություն ներկայացնող տարածաշրջանային և միջազգային օրակարգի հարցեր»,- ասվում է hաղորդարության մեջ։
Էմմա Չոբանյան
