06.08.2026 | 09:00
Կառավարության նիստը. ՈՒՂԻՂ
Օգնեք՝ հորս հետ բերենք. Վագիֆ Խաչատրյանի դուստրը` Փարիզի քաղաքապետին․ ՏԵՍԱՆՅՈՒԹ
Հասարակություն
30.08.2023 | 16:38
Այսօր՝ օգոստոսի 30-ին տեղի ունեցավ Արցախի նախագահ Արայիկ Հարությունյանի և Փարիզի քաղաքապետ Անն Իդալգոյի առցանց համատեղ ասուլիսը։
Ասուլիսից հետո Ադրբեջանի կողմից Լաչինի միջանցքի մոտ տեղակայված ապօրինի անցակետի մոտից առևանգված Վագիֆ Խաչատրյանի դուստրը` Վերա Խաչատրյանը, դիմելով Փարիզի քաղաքապետ Անն Իդալգոյին, խնդրեց օգնել՝ վերադարձնել հորը Բաքվից․ «Մեկ ամսից ավելի է՝ հայրս կապ չի հաստատում մեզ մոտ։ Ընտանիքիս բոլոր անդամներն Արցախում են, միայն ես եմ Հայաստանում։ Լիահույս ենք, որ կօգնեք մեզ վերադարձնել նրան Բաքվից, քանի որ հայրս անմեղ է։ Նա ծանր հիվանդություն ունի, և ամեն վայրկյանը կարող է ճակատագրական լինել իր համար»։
Ի պատասխան՝ Փարիզի քաղաքապետը գրկեց նրան և ընդգեց, որ կփորձի իր երկրում որևէ քայլ ձեռնարկել այդ առումով։
Նշենք, որ Անն Իդալգոն Հայաստան է ժամանել օգոստոսի 30-ին` Արցախ ուղարկվող հումանիտար օգնությունն անձամբ ուղեկցելու և շտապ օգնություն ցուցաբերելու համար։Փարիզի քաղաքապետն այսօր մեկնել է Սյունիքի մարզ` Գորիս քաղաք։
Մանրամասները՝ տեսանյութում։
