08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Փաշինյանն առաջարկեց 18 տարեկանից հնարավորություն տալ օգտվել անպտղության հաղթահարման պետական ծրագրից․ ՏԵՍԱՆՅՈՒԹ
11.08.2023 | 12:15
ՀՀ կառավարության 2023 թվականին պետական պատվերի շրջանակներում ընդլայնվել է վերարտադրողականության օժանդակ տեխնոլոգիաների կիրառմամբ բժշկական օգնություն և սպասարկում ստացող շահառուների շրջանակը:
2023 թվականի հուլիսի 11-ի դրությամբ անպտղությամբ տառապող շուրջ 1500 զույգեր դիմել են անպտղության հաղթահարման բժշկական օգնության և սպասարկման ծառայությունից օգտվելու համար, իսկ մինչև 2023 թվականի տարեվերջ կանխատեսվում են ևս 750 շահառուների ներգրավում, կառավարության նիստին հայտարարեց Առողջապահության նախարար Անահիտ Ավանեսյանը՝ ընդգծելով, որ նախարարությանը առաջարկվում է այդ ծրագրի համար ևս 500մլն դրամ փոխանցել:
«Ճիշտ ենք հասկանում, որ այս ընթացքում, ծրագրի փոփոխությունների արդյունքում այսօր ցանկացած կին, ով նման ցանկություն ունի՝ երեխա ունենալու, կարող է ծրագրից օգտվել՝ անկախ սոցիալական վիճակից: Ով ուզում է երեխա ունենալ, ո՞ւր կարող է դիմել»,-դիմելով Ավանեսյանին՝ հարցրեց վարչապետը:
«Այո, պարոն վարչապետ, 36 տարեկանը լրացած ցանկացած կին, երկու տարի ցանկություն ունեցած, բայց երեխա չունեցող կանայք հնարավորություն ունեն դառնալ այս ծրագրի շահառու՝ անկախ որևէ կարգավիճակից»,-պատասխանեց Ավանեսյանը:
Փաշինյանն առաջարկեց 18 տարեկանից հնարավորություն տալ օգտվել անպտղության հաղթահարման պետական ծրագրից։
Մինչև 2023 թվականի ավարտը կանխատեսվում է պատճառագիտական ծառայության տրամադրում ևս 1300 նոր շահառուների: Պատճառագիտական հետազոտության դեպքի միջին ծախսը կազմում է 0,107 մլն ՀՀ դրամ: Պատճառագիտական հետազոտության համար անհրաժեշտ լրացուցիչ գումարը կկազմի 139,1 մլն ՀՀ դրամ։
Մանրամասները՝ տեսանյութում։
