21.04.2026 | 12:40
Ուկրաինական Սումիում ԱԹՍ-ների հարվածի հետևանքով 15 մարդ է վիրավորվել, Սլավյանսկում՝ 3
Այս օրերին ժամը 12։00-ից 18։00-ը խորհուրդ է տրվում չլինել արևի ուղիղ ճառագայթների տակ․ Նունե Բակունց․ ՏԵՍԱՆՅՈՒԹ
08.08.2023 | 12:07
Ամառը լիարժեք մտել է իր իրավունքների մեջ և մեզ սպասվող շոգ եղանակի պայմաններում պետք է իմանալ ճիշտ, կանխարգելիչ վարվելակերպի կանոնները։ Այս մասին .«Առաջիկա օրերին Արարատյան դաշտում և Երևանում կանխատեսվում է մինչև +40․․․+42 աստիճան տաքություն․ հրդեհային անվտանգության խնդիրներ»թեմայով ասուլիսում նշեց ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Նունե Բակունցը։
Նա ևս մեկ անգամ հիշեցրեց, որ պետք է շատ ջուր խմել շոգ եղանակին։
«Շոգին օրգանիզմը ջրազրկվում է, ջրի հետ կորցնելով աղեր և սպիտակուցներ, առնվազն օրական 2-3 լիտր ջուր պետք է խմել, խոսքը սովորական ջրի մասին է։ Սիրտանոթային հիվանդություններ ունեցող և հղի անձիք պետք է անպայման խորհրդակցեն իրենց բժշկի հետ, բայց միևնույն է պետք է ջրի քանակն ավելացնե։
Այն մարդիկ, ովքեր ամեն օր դեղեր են ընդունում, պետք է շատ ուշադիր լինեն, երբեք չխախտեն իրենց նշանակված դեղերը և չզբաղվեն ինքնաբուժությամբ։ Այլ ըմպելիքներից խորհուրդ ենք տալիս շատ օգտագործել մեր ավանդական թանը, որովհետև այն իդեալական լրացնում է մեր օրգանիզմում աղերի, սպիտակուցների և ջրի կորուստը։
Կոֆեին պարունակող խմիչքները տաք և սառը վիճակում առաջարկում ենք պակասեցնել, չնայած դրանք թարմացնող էֆեկտ ունեն, սակայն հյուծում են օրգանիզմը։ Իսկ շաքար պարունակող ըմպելիքներն ավելի են ծանրացնում վիճակը»։
Բակունցի խոսքով՝ ամենաշոգ ժամանակահատվածը 12։00-ից մինչև երեկոյան 18։00-ն է. «Այդ ժամերին և՛ ջերմաստիճանն է բարձր, և՛ ուլտրամանուշակագույն ճառագայթումը։ Դրա համար այդ ժամերին խորհուրդ է տրվում հնարավորինս չլինել դրսում, կամ առնվազն չլինել ուղիղ արևի ճառագայթների տակ»։
Մանրամասները՝ տեսանյութում։
