06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Հրդեհների հիմնական պատճառը մնում է մարդկային գործոնը, այն միայն հրշեջների գործը չէ․ Արսեն Մկրտչյան․ ՏԵՍԱՆՅՈՒԹ
Տեսանյութեր
08.08.2023 | 11:44
ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնը հաղորդագրություն է տարածել, որով տեղեկացնում է՝ օգոստոսի 10-14-ն ընկած ժամանակահատվածում Հայաստանի Հանրապետության որոշ շրջաններում օդի ջերմաստիճանը կհասնի մինչև +40- +42 աստիճանի
Առաջիկա օրերին Արարատյան դաշտում և Երևանում կանխատեսվում է մինչև +40․․․+42 աստիճան տաքություն․ հրդեհային անվտանգության խնդիրներ թեմայով այսօր հրավիրված ասուլիսում Ճգնաժամային կառավարման ազգային կենտրոնի պետ, գնդապետ Արսեն Մկրտչյանն ընդգծեց, որ նշված օրերին սպասվում է բարձր հրդեհավտանգ իրավիճակ, մեծանում է անտառային և հարակից բուսածածկ տարածքներում հրդեհների առաջացման տարածման վտանգը, և որ հրդեհների հիմնական պատճառը մնում է մարդկային գործոնը։
«Հրդեհների դեմ պայքարը միայն հրշեջների գործը չէ։ Հրշեջ փրկարարները միշտ պատրաստ են կատարել իրենց ստանձնած պարտավորությունները, բայց անտառն ամբողջությամբ և մշտապես անհնար է ուշադրության կենտրոնում պահել։ Ոչ մի վերահսկողություն և ոչ մի տեխնիկա ցանկալի արդյունք չի տա, եթե քաղաքացիները և կազմակերպությունները չգիտակցեն դրա կարևորությունը»,-նշեց Մկրտչյանը՝ ընթերցելով ԱԻՆ հորդորը՝ ուղղված բնակիչներին՝ խարույկներ չվառել բուսածածկ, չնախատեսված վայրերում, կրակը մարել հողով կամ ջրով և իրենց հեռանալուց առաջ համոզված լինել, որ կրակը մարվել է։
Մանրամասները՝ տեսանյութում։
