24.03.2026 | 11:31
Հայտնի է ծանրամարտի Հայաստանի հավաքականի կազմը Եվրոպայի առաջնությունում
ՀՀ-ի կողմից Լաչինի միջանցքի բացումը լեգիտիմացված է դատարանով․ ուժային լուծումից չպետք է հրաժարվել․ Արփի Թոփչյան․ ՏԵՍԱՆՅՈՒԹ
Քաղաքականություն
07.08.2023 | 20:02
Արցախի նախագահ Արայիկ Հարությունյանն ուշ երեկոյան ուշագրավ հայտարարություններ է արել։ Դրանց, ինչպես նաև Արցախի շուրջ հնարավոր զարգացումների մասին Factor TV-ի տաղավարում զրուցել ենք «Բերդ» ՀԿ ներկայացուցիչ, հանրային գործիչ Արփի Թոփչյանի հետ։
–Տիկի՛ն Թոփչյան, նախ խոսենք Հարությունյանի հետևյալ հայտարարության մասին․ «Կարծես լուռ համաձայնություն կա, որ մեզ թողնեն Ադրբեջանի հետ մեն-մենակ, և Բաքուն օգտագործի ճնշման մեթոդը… Մեզ դրդում են ընդունել Ադրբեջանի պայմանները, պահանջները»: Ըստ Ձեզ՝ այս լուռ համաձայնության մասնակիցներն ովքե՞ր են։
-Կարծում եմ, որ ակնհայտ է։ Առաջին հերթին դա վերաբերում է Հայաստանին, և ինչու չէ՝ նաև Ռուսաստանին։ Անկեղծ ասած՝ զարմացած եմ, որ Արայիկ Հարությունյանը միայն հիմա է նման հայտարարություններ անում, որովհետև վերջին երեք տարիների ընթացքում, հատկապես, վերջին մեկ տարվա ընթացքում մենք հետևողական քաղաքականության ականատեսն ենք լինում, որ Հայաստանի իշխանություններն ու Ռուսաստանն Արցախին թողնում են Ադրբեջանի հետ մեն-մենակ՝ փաստացի Ադրբեջանի համար կանաչ լույս վառելով։
–Արդարադատության միջազգային դատարանն ընդունեց որոշում, որ Ադրբեջանը պետք է ձեռնարկի իրեն հասանելի բոլոր քայլերը՝ Լաչինի միջանցքը բացելու համար։ Կան նաև ազդեցիկ երկրների կոչեր։ Բայց Ադրբեջանը դրանք չլսելու է տալիս։ Ո՞րն է այն ուժը, որ պետք է ստիպի Ադրբեջանին անել դա։
-Այդ բոլոր կոչերը և Արդարադատության միջազգային դատարանի որոշումը լեգիտիմացրել են Հայաստանի իրավունքը ցանկացած ուղիով ու մեխանիզմով բացել այդ ճանապարհը։ Կարող է լինել քաղաքական գործիքակազմ, որոնցից մեկը Հայաստանի կողմից մարդկանց շարժն է կամ Արցախի կողմից շարժն է։ Կարող է լինել ուրիշ գործիքակազմ։
Շատերն ասում են, որ եթե գնաք, ռազմական ճանապարհով բացեք Լաչինի ճանապարհը, դա առիթ կդառնա լայնածավալ ռազմական գործողությունների սկսման։ Ոչ ոք այդ տարբերակը չի բացառում, բայց դա չի նշանակում, որ մենք ուժային լուծումից պիտի հրաժարվենք։
Հարցազրույցն ամբողջությամբ՝ տեսանյութում։
Գարիկ Հարությունյան
