Հասարակություն
28.07.2023 | 18:11Կարեն Կոնգուրցևը մեղադրվում էր 15-ամյա հանդբոլիստ Դավիթ Հովակիմյանի սպանության մեջ։ 2 տարի, 7 ամիս կալանքի տակ մնալուց հետո ապրիլի 15-ին Լոռու մարզի առաջին ատյանի դատավոր Նարինե Հովակիմյանի որոշմամբ, Կարենն արդարացվել ու ազատ է արձակվել դատարանի դահլիճից։
Ոչ միայն մենք ենք պնդում, որ այդ հանցագործության հետ առնչություն չուներ, այլ նաև դա հաստատվել է արդեն օրինական ուժի մեջ մտած դատական ակտով։ Ավելին՝ այդ անձը 2 անգամ է արդարացվել․ սա աննախադեպ է։ Առաջին ատյանի դատարանի կողմից արդարացվելուց հետո մեկ անգամ էլ Վերաքննիչ դատարանի կողմից է արդարացվել։ Վճռաբեկ դատարանը նախադեպային որոշում է կայացրել իրավապաշպանների բողոքի հիման վրա, քանի որ նախորդ արդարացումից հետո Վերաքննիչ դատարանն այնպիսի ակտ էր կայացրել, որը նույնիսկ իրավագիտության պատկերացումների մեջ։
Այս մասին այսօր քննարկման ժամանակ նշեց սպանված պատանու հոր՝ Հակոբ Հովակիմյանի ներկայացուցիչ, փաստաբան Արմինե Ֆանյանը։
Փաստաբանը հավելեց, որ պարզվել է՝ շինծու ցուցմունքներ են եղել գործում և աներկբա ապացույցների առկայությամբ հիմանվորվել և հաստատվել է Կոնգուրցևի անմեղությունը։
Փաստաբանի խոսքով՝ իրական սպանություն կատարած անձը շրջում է ազատության մեջ։ Ֆանյանի դիտարկմամբ՝ արդարությանը հասնելու ճանապարհին դա խոչընդոտ էր, և ուժերը մեկտեղվել են՝ ճշմարտությունը և իրական սպանություն կատարած անձանց բացահայտելու համար։
Մանրամասները՝ տեսանյութում։
