13.01.2025 | 10:41
Արտարժույթների փոխարժեքները՝ հունվարի 13-ի դրությամբ
Սաուդյան Արաբիան առաջարկել է գնել «Բայրաքթար» ԱԹՍ-ներ արտադրող Baykar ընկերությունը
Քաղաքականություն
29.07.2023 | 11:40
Սաուդյան Արաբիան Թուրքիային առաջարկել է գնել «Բայրաքթար» ԱԹՍ-ներ արտադրող մասնավոր Baykar ընկերության բաժնտոմսերի 100 տոկոսը։ Այս մասին հայտնում է է Gazete Pencere-ն, որին վկայակոչում են թուրքական լրատվամիջոցները։
Այս առաջարկն արվել է հուլիսի 17-ին Թուրքիայի նախագահ Ռեջեփ Թայիփ Էրդողանի՝ Սաուդյան Արաբիա կատարած այցի ժամանակ։ Հաղորդվում է, որ այս առաջարկը անակնկալ է եղել։
«Սաուդցիները ցանկանում են գնել ամբողջ ընկերությունը: Խոսվում է 100 միլիարդ դոլարի գործարքի մասին։ Ենթադրվում է, որ Baykar-ը հավանություն չի տալիս դրան, և քննարկվում է բաժնետոմսերի 40 տոկոսից ոչ ավելիի վաճառքը»,-գրում է լրատվամիջոցը։
Նշենք, որ Թուրքիայի իշխանություններն ու ընկերություները դեռ չեն մեկնաբանել այս տեղեկությունները։
Հավելենք, որ Էրդողանի այցի ընթացում ընկերության ու Սաուդյան Արաբիայի միջև ավելի քան 3 միլիարդ դոլարի պայմանագիր է ստորագրվել, որը դարձել է ռազմարդյունաբերության ոլորտում Թուրքիայի ամենամեծ արտահանման պայմանագիրը։
Ի դեպ, Baykar ընկերությունը պատկանում է Բայրաքթար ընտանիքին։ Ընկերության տեխնիկական գծով տնօրենը Թուրքիայի նախագահ Ռեջեփ Թայիփ Էրդողանի փեսա Սելջուկ Բայրաքթարն է։ Նա Էրդողանի կրտսեր դստեր՝ Սյումեյե Էրդողանի ամուսինն է։
Էմմա Չոբանյան
