06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
Պետք է անենք ամեն ինչ, որ Արցախը ներգրավվի բանակցութուններում․ Վաղարշակ Հակոբյան․ ՏԵՍԱՆՅՈՒԹ
Քաղաքականություն
28.07.2023 | 19:00
Ազգային ժողովի «Քաղաքացիական պայմանագիր» խմբակցության պատգամավոր, կուսակցության վարչության անդամ Վաղարշակը Հակոբյանը Factor TV-ի հետ զրույցում անդրադարձել է Արցախում ստեղծված իրավիճակին՝ հայտարարելով՝ այս փուլում կարևոր է, որ Կոռնիձորում գտնվող բեռնատարները ռուս խաղաղապահների միջոցով հասնեն Ստեփանակերտ։ Ըստ նրա՝ մինչ այս պահը այդ ուղղությամբ որևէ առաջընթաց չկա և ադրբեջանական կողմը խոչընդոտում է հումանիտար բեռների տեղափոխմանը։
400 տոննա մարդասիրական օգնությունը արդեն երրորդ օրն է՝ Կոռնիձորում է, որտեղից նախատեսված է բեռը փոխանցել ռուս խաղաղապահներին՝ ակնկալիքով, որ դրանք կհասնեն կես տարուց ավելի շրջափակման մեջ գտնվող արցախցիներին, բայց ադրբեջանական կողմը չի թույլատրում այն անցկացնել՝ հայկական կողմի քայլը որակելով սադրանք։
Իշխանական պատգամավորը անդրադարձել է նաև ստեղծված իրավիճակից հնարավոր լուծումներին, Հայաստանի իշխանության քայլերին։
Քաղաքացիական պայմանագիր կուսակցության վարչության անդամը խոսել է նաև առաջիկայում սպասվող Երևանի ավագանու ընտրություններից։
Մանրամասները՝ տեսանյութում։
