ԱՄՆ Միջազգային զարգացման գործակալությունը (USAID) հայտարարել է Ուկրաինայի գլխավոր դատախազությանը 4K տեսախցիկներով հագեցած Skydio 2+ անօդաչուներ փոխանցելու մասին, որոնք օգտագործվելու են ռազմական հանացագործությունները փաստագրելու համար, գրում է DW-ի ռուսական ծառայությունը։
ԱՄՆ գործակալությունն ասում է, որ դրանք Կիևին թույլ կտան «փաստաթղթավորել քաղաքացիական ենթակառուցվածքների ոչնչացման ավելի քան 115,000 դեպքերը և մարդու իրավունքների խախտման ապացույցները առաջնագծի բնակավայրերում և ազատագրված տարածքներում»։
Նշվում է, որ անօդաչուները վճռական նշանակություն ունեն Ուկրաինայի գլխավոր դատախազության համար, որը զբաղվում է ռուսական բանակի կողմից ռազմական հանցագործությունների և մարդու իրավունքների խախտումների դեպքերով:
USAID-ն հավելում է, որ 2022 թվականի փետրվարի 24-ից ի վեր, իրենց կողմից աջակցվող ուկրաինական երկու իրավապաշտպան կազմակերպություններ փաստագրել են ռուսական ռազմական հանցագործությունների ավելի քան 40,000 դեպք։
